Arecanut Plantation : ನೀವೇನಾದರು ಅಡಿಕೆ ತೋಟ ಮಾಡಲು ಬಯಸುತ್ತಿದ್ದೀರಾ? ಹಾಗಿದ್ದರೆ ನಿಮಗೆ ಸರ್ಕಾರದಿಂದ ಭರ್ಜರಿ ಗುಡ್ ನ್ಯೂಸ್! ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ಸಹಭಾಗಿತ್ವದ ಯೋಜನೆಯಾಗಿರುವ ‘ರಾಷ್ಟೀಯ ತೋಟಗಾರಿಕಾ ಮಿಷನ್ ಯೋಜನೆ’ಯಡಿಯಲ್ಲಿ ರೈತರಿಗೆ ಅಡಿಕೆ ತೋಟವನ್ನು ಮಾಡಲು ಪ್ರೋತ್ಸಾಹಧನವನ್ನು ನೀಡಲು ಮುಂದಾಗಿದೆ.

Arecanut Plantation Subsidy in Kannada

ಅಡಿಕೆ ಬೆಲೆ ದಿನೇ ದಿನೆ ದುಬಾರಿಯಾಗುತ್ತಿರುವ ಈ ಕಾಲಘಟ್ಟದಲ್ಲಿ ರೈತರಿಗೆ ಪ್ರೋತ್ಸಾಹಧನವನ್ನು ನೀಡಿ ಅಡಿಕೆ ತೋಟವನ್ನು ಮಾಡಲು ಉತ್ತೇಜಿಸುವ ಮೂಲಕ ಅವರನ್ನು ಆರ್ಥಿಕವಾಗಿ ಸಬಲರನ್ನಾಗಿ ಮಾಡುವ ಉದ್ದೇಶವನ್ನು ಹೊಂದಿದೆ.

ರೈತರಿಗೆ ಈ ಯೋಜನೆಯಡಿಯಲ್ಲಿ ತಮ್ಮ ಇಡೀ ತೋಟದ ಅಭಿವೃದ್ಧಿಗೆ ಸಹಾಯಧನವನ್ನು ಪಡೆದುಕೊಳ್ಳಬಹುದಾಗಿದೆ. ರೈತರು ರಾಷ್ಟೀಯ ತೋಟಗಾರಿಕಾ ಮಿಷನ್ ಯೋಜನೆಯಡಿಯಲ್ಲಿಈ ಎಲ್ಲಾ ಪ್ರಯೋಜನವನ್ನು ಪಡೆದುಕೊಳ್ಳಬೇಕಾದರೆ ತಮ್ಮ ತಾಲೂಕಿನ ‘ಹಿರಿಯ ತೋಟಗಾರಿಕಾ ಸಹಾಯಕ ನಿರ್ದೇಶಕರ ಕಚೇರಿ’ಗೆ ಭೇಟಿ ನೀಡಿ ಅರ್ಜಿಯನ್ನು ಸಲ್ಲಿಸಬೇಕಾಗುತ್ತದೆ.

ಈ ಒಂದು ಲೇಖನದ ಮೂಲಕ ಅರ್ಜಿ ಸಲ್ಲಿಸುವ ವಿಧಾನ, ಅಗತ್ಯ ದಾಖಲೆಗಳು, ರೈತರಿಗೆ ಸಿಗುವ ಪ್ರಯೋಜನ ಈ ಎಲ್ಲಾ ಮಾಹಿತಿಯನ್ನು ಪಡೆದುಕೊಳ್ಳಬಹುದಾಗಿದೆ. ರೈತರ ನೆರವಿಗೆಂದೇ ಇರುವ ಇನ್ನಷ್ಟು ಯೋಜನೆಗಳ ಬಗ್ಗೆ ಮಾಹಿತಿ ಬೇಕಿದ್ದರೆ ನಮ್ಮ ವೆಬ್ಸೈಟ್ ಕನ್ನಡಹೆಲ್ಫ್ ಗೆ ಬೇಟಿ ನೀಡಿ.

ಯೋಜನೆಯ ಸಮಗ್ರ ನೋಟ:

ಯೋಜನೆಯ ಹೆಸರು: ರಾಷ್ಟ್ರಿಯ ತೋಟಗಾರಿಕಾ ಮಿಷನ್ (Arecanut Plantation)

ಅರ್ಹ ಫಲಾನುಭವಿಗಳು: ರೈತರು

ರೈತರಿಗೆ ಸಿಗುವ ಪ್ರಯೋಜನ: ಸಬ್ಸಿಡಿ ರೂಪದಲ್ಲಿ ಸಹಾಯಧನ

ಅರ್ಜಿ ಸಲ್ಲಿಸುವ ವಿಧಾನ: ಆಫ್ಲೈನ್

ಯೋಜನೆಯ ಪರಿಚಯ:

ರಾಷ್ಟೀಯ ತೋಟಗಾರಿಕಾ ಮಿಷನ್ (Arecanut Plantation) ಯೋಜನೆಯು ಕೇಂದ್ರ ಸರ್ಕಾರದ ಹಾಗೂ ರಾಜ್ಯ ಸರ್ಕಾರದ ಜಂಟಿಯಾಗಿ ನಡೆಸುವ ಯೋಜನೆಯಾಗಿದ್ದು, ಸಬ್ಸಿಡಿ ರೂಪದಲ್ಲಿ ಸಹಾಯಧನವನ್ನು ಒದಗಿಸುವ ಮೂಲಕ ಕೃಷಿ ಕ್ಷೇತ್ರದಲ್ಲಿ ಆಧುನಿಕ ತಂತಜ್ಞಾನವನ್ನು ಪರಿಚಯಿಸುವುದು ಹಾಗೂ ತೋಟಗಾರಿಕೆ ಬೆಳೆಗಳನ್ನು ಬೆಳೆಯುವ ರೈತರ ಆದಾಯ ಮಟ್ಟವನ್ನು ಹೆಚ್ಚಿಸುವುದು ಈ ಯೋಜನೆಯ ಉದ್ದೇಶವಾಗಿದೆ.

ಈಗಾಗಲೇ ಸಾಕಷ್ಟು ರೈತರು ಈ ಯೋಜನೆಗೆ ಅರ್ಜಿ ಸಲ್ಲಿಸುವ ಮೂಲಕ ತಮ್ಮ ಕೃಷಿ ಚಟುವಟಿಕೆಯನ್ನು ಆಧುನೀಕರಿಸಿಗೊಂಡು ಅಧಿಕ ಲಾಭವನ್ನು ಪಡೆದುಕೊಂಡಿದ್ದಾರೆ. ನೀವು ಕೂಡ ಇಂದೇ ಈ ಯೋಜನೆಗೆ ಅರ್ಜಿಯನ್ನು ಸಲ್ಲಿಸಿ ಈ ಯೋಜನೆಯ ಲಾಭವನ್ನು ಪಡೆದುಕೊಳ್ಳಿ.

ಈ ಯೋಜನೆಯನ್ನು ಜಾರಿ ಗೊಳಿಸಿರುವ ಉದ್ದೇಶ:

ರೈತರು ಹೆಚ್ಚಿನ ಆದಾಯವನ್ನು ಗಳಿಸುವಂತೆ ಮಾಡಿ ಅವರನ್ನು ಸ್ವಾವಲಂಗಳಾಗಿ ಮಾಡುವುದು.
ರೈತರು ತಮ್ಮ ಕೃಷಿ ಭೂಮಿಯಲ್ಲಿ ಅಥವಾ ತೋಟಗಳಲ್ಲಿ ಆಧುನಿಕ ತಂತ್ರಜ್ಞಾನವನ್ನು ಅಳವಡಿಕೊಳ್ಳುವಂತೆ ಉತ್ತೇಜನ ನೀಡುವುದು.
ಸರ್ಕಾರವು ರೈತರಿಗೆ ತೋಟಗಾರಿಕೆಗೆ ಸಹಾಯಧನವನ್ನು ನೀಡಿ ತೋಟಗಾರಿಕೆಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳುವಂತೆ ಮಾಡಿ ಅವರಿಗೆ ಸ್ವಂತ ಉದ್ಯೋಗಾವಕಾಶವನ್ನು ಸೃಷ್ಟಿಸುವುದು.
ಸರ್ಕಾರವು ರೈತರಿಗೆ ಸಹಾಯಧನವನ್ನು ನೀಡುವ ಮೂಲಕ ತೋಟಗಾರಿಕೆ ಮಾಡಲು ಉತ್ತೇಜನ ನೀಡಿ ಸುತ್ತ ಮುತ್ತಲಿನ ಪರಿಸರವನ್ನು ಹಸಿರುಮಯವಾಗಿ ಕಂಗೊಳಿಸುವಂತೆ ಮಾಡುವುದು.
ರೈತರು ತಮ್ಮ ತೋಟಗಾರಿಕೆಯಲ್ಲಿ ಹನಿ ನೀರಾವರಿ ಹಾಗೂ ತುಂತುರು ನೀರಾವರಿ ಪದ್ದತಿಯನ್ನು ಅಳವಡಿಸಲು ಸರ್ಕಾರವು ನೆರವು ನೀಡುವ ಮೂಲಕ ನೀರಿನ ಸದ್ಬಳಕೆಯನ್ನು ಹೆಚ್ಚಿಸುವುದು.

ಈ ಯೋಜನೆಯಿಂದ ರೈತರಿಗಾಗುವ ಪ್ರಯೋಜನ:

ಬೆಳೆಗಳ ಇಳುವರಿಯಲ್ಲಿ ಹೆಚ್ಚಳ :

ರೈತರು ಈ ಒಂದು ಯೋಜನೆಯಡಿಯಲ್ಲಿ ಸಿಗುವ ಸಬ್ಸಿಡಿ ರೂಪದ ಸಹಾಯಧನವನ್ನು ಬಳಸಿಕೊಂಡು ತಮ್ಮ ತೋಟಗಳಲ್ಲಿ ಉತ್ತಮ ಇಳುವರಿ ನೀಡುವ ಅಡಿಕೆ ತಳಿಗಳನ್ನು ಬೆಳೆಯುವುದರಿಂದ ಹಾಗೂ ಆಧುನಿಕ ಬೇಸಾಯ ಪದ್ದತಿಯನ್ನು ಅವಳವಿಸಿಕೊಳ್ಳುವ ಮೂಲಕ ಬೆಳೆಗಳ ಇಳುವರಿಯನ್ನು ಹೆಚ್ಚಿಸುವುದು.

Arecanut Plantation ರೈತರ ಆದಾಯಮಟ್ಟದಲ್ಲಿ ವೃದ್ಧಿ:

ಸರ್ಕಾರದ ಸಹಾಯಧನದಿಂದ ಹೆಚ್ಚಿನ ಮಟ್ಟದಲ್ಲಿ ಅಡಿಕೆ, ತೆಂಗು ಗಳಂತಹ ವಾಣಿಜ್ಯ ಬೆಳೆಗಳನ್ನು ಬೆಳೆಯುವುದರಿಂದ ಮಾರುಕಟ್ಟೆಯಲ್ಲಿ ಹೆಚ್ಚಿನ ಲಾಭದಲ್ಲಿ ಮಾರಾಟ ಮಾಡುವ ಮೂಲಕ ಹೆಚ್ಚಿನ ಆದಾಯವನ್ನು ಗಳಿಸಿ ಸ್ವಾವಲಂಬಿಗಳಾಗಿ ಜೀವನವನ್ನು ನಡೆಸಬಹುದಾಗಿದೆ.

ನೀರಿನ ಉಳಿತಾಯ:

ರೈತರು ತಮ್ಮ ತೋಟಗಳಲ್ಲಿ ಹನಿ ನೀರಾವರಿ ಸೌಲಭ್ಯವನ್ನು ಬಳಸುವುದರಿಂದ ನೇರವಾಗಿ ಅಡಿಕೆ ಗಿಡಗಳ ಬುಡಕ್ಕೆ ನೀರು ಹೋಗುತ್ತದೆ. ಇದರಿಂದಾಗಿ ರೈತರು ನೀರನ್ನು ಉಳಿತಾಯ ಮಾಡಬಹುದು.

ಆರ್ಥಿಕ ಹೊರೆ ಕಡಿಮೆ:

ರೈತರಿಗೆ ಸರ್ಕಾರವು ಅಡಿಕೆ ತೋಟಗಾರಿಕೆ ಮಾಡಲು ಸಹಾಯಧನವನ್ನು ನೀಡುವುದರಿಂದ ಅಡಿಕೆ ಸಸಿಗಳನ್ನು ಖರೀದಿಸಲು, ನಾಟಿ ಮಾಡಲು ತಗುಲುವ ವೆಚ್ಚಗಳು ಹಾಗೂ ಕೃಷಿಗೆ ಸಂಬಂಧಿಸಿದ ಇತರೆ ವೆಚ್ಚಗಳು ರೈತರಿಗೆ ಹೊರೆಯಾಗಿ ಪರಿಣಮಿಸುವುದಿಲ್ಲ.

ರೈತರಿಗೆ ದೊರೆಕುವ ಒಟ್ಟು ಸಹಾಯಧನ:

Arecanut Plantation : ರೈತರಿಗೆ ಪ್ರತಿ 2.5 ಎಕ್ಕರೆ ತೋಟಕ್ಕೆ, ಒಂದು ಲಕ್ಷದ ವರೆಗೆ ಸಾಲ ಸೌಲಭ್ಯ ದೊರೆಯಲಿದ್ದು, ಇದರಲ್ಲಿ 40% ರಷ್ಟು ಹಣವನ್ನು ಸಬ್ಸಿಡಿ ರೂಪದಲ್ಲಿ ನೀಡಲಾಗುತ್ತದೆ. ಕೆಲವು ಹಂತಗಳಲ್ಲಿ ಹಣವನ್ನು ಬಿಡುಗಡೆ ಮಾಡಲಾಗುವುದು. ಅವುಗಳ ವಿವರವನ್ನು ಈ ಕೆಳಗೆ ನೀಡಲಾಗಿದೆ.

ಹಂತ 1:

ರೈತರು ತಮ್ಮ ತೋಟದಲ್ಲಿ ಅಡಿಕೆ ಗಿಡಗಳನ್ನು ನಾಟಿ ಮಾಡಿದ ನಂತರ ಒಟ್ಟು ಸಬ್ಸಿಡಿ ದರದಲ್ಲಿ 60% ಹಣವನ್ನು ಪಡೆದುಕೊಳ್ಳಬಹುದಾಗಿದೆ.

ಹಂತ 2:

ರೈತರು ನಾಟಿ ಮಾಡಿದ ಗಿಡದಲ್ಲಿ 75% ಗಿಡಗಳು ಬದುಕಿದ್ದರೆ, ಒಟ್ಟು ಸಬ್ಸಿಡಿ ದರದಲ್ಲಿ 20% ಹಣವನ್ನು ಪಡೆದುಕೊಳ್ಳಬಹುದಾಗಿದೆ.

ಹಂತ 3:

ರೈತರು ನಾಟಿ ಮಾಡಿದ ಗಿಡದಲ್ಲಿ 90% ಗಿಡಗಳು ಬದುಕಿದ್ದರೆ, ಒಟ್ಟು ಸಬ್ಸಿಡಿ ದರದಲ್ಲಿ 20% ಹಣವನ್ನು ಪಡೆದುಕೊಳ್ಳಬಹುದಾಗಿದೆ.

ಇತರೆ ಸೌಲಭ್ಯಗಳು:

ಹನಿ ನೀರಾವರಿ: ಹನಿ ನೀರಾವರಿಗೆ ಸಣ್ಣ ಮತ್ತು ಅತಿ ಸಣ್ಣ ರೈತರು 90% ರಷ್ಟು ಹಾಗೂ ಇತರೆ ರೈತರು 45% ರಷ್ಟು ಹಣವನ್ನು ಸಬ್ಸಿಡಿ ರೂಪದಲ್ಲಿ ಪಡೆದುಕೊಳ್ಳಬಹುದಾಗಿದೆ.

ಸಸ್ಯಗಳ ಸಂರಕ್ಷಣೆ: ರೈತರು ಸಸ್ಯಗಳನ್ನು ಎಲೆಚುಕ್ಕಿ ರೋಗಗಳಿಂದ ರಕ್ಷಿಸಲು ಬಳಸುವ ಔಷಧಿಗಳಿಗೆ ಸರ್ಕಾರದಿಂದ ₹1,500 ರಷ್ಟು ಸಹಾಯಧನವನ್ನು ಪಡೆದುಕೊಳ್ಳಬಹುದಾಗಿದೆ.

ಯಂತ್ರಗಳ ಖರೀದಿ:

ರೈತರು ಅಡಿಕೆ ಸುಲಿಯುವ ಯಂತ್ರವನ್ನು ಖರೀದಿ ಮಾಡಲು ಶೇಕಡಾ 50% ಸಬ್ಸಿಡಿ ದರದಲ್ಲಿ ಸಹಾಯಧನವನ್ನು ಪಡೆದುಕೊಳ್ಳಬಹುದಾಗಿದೆ.

ರೈತರು ಹೊಂದಿರಬೇಕಾದ ಅರ್ಹತೆಗಳು:

ಈ ಯೋಜನೆಗೆ ನೀವು ಅರ್ಜಿಯನ್ನು ಸಲ್ಲಿಸುವುದಾದರೆ ಈ ಕೆಳಗೆ ಕೊಡಲಾಗಿರುವ ಅರ್ಹತೆಗಳನ್ನು ನೀವು ಹೊಂದಿರಬೇಕಾಗುತ್ತದೆ.

ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ರೈತರಾಗಿದ್ದು, ಸ್ವಂತ ಹೆಸರಿನಲ್ಲಿ ಜಮೀನಿನ ಪಹಣಿಯನ್ನು ಹೊಂದಿರಬೇಕು.
ರೈತರು ಕಡ್ಡಾಯವಾಗಿ FRUITS ID ಹೊಂದಿರಬೇಕು.
ತಮ್ಮ ತೋಟದಲ್ಲಿ ಕಡ್ಡಾಯವಾಗಿ ನೀರಿನ ಮೂಲಗಳಿರಬೇಕು.
ಈ ಯೋಜನೆಯು ಹೊಸದಾಗಿ ಅಡಿಕೆ ತೋಟ ಮಾಡುವವರಿಗೆ ಮಾತ್ರ ಅನ್ವಹಿಸುತ್ತದೆ.

ಇಲ್ಲಿ ಗಮನಿಸಿ: (Arecanut Plantation) “ಒಬ್ಬ ರೈತರು ಕನಿಷ್ಠ 20 ಗುಂಟೆಯಿಂದ ಗರಿಷ್ಟ 10 ಎಕ್ಕರೆಗಳ ವರೆಗೆ ಈ ಯೋಜನೆಯಡಿಯಲ್ಲಿ ಲಾಭವನ್ನು ಪಡೆದುಕೊಳ್ಳಬಹುದಾಗಿದೆ.

ಅರ್ಜಿ ಸಲ್ಲಿಸಲು ಬೇಕಾಗಿರುವ ಪ್ರಮುಖ ದಾಖಲೆಗಳು :-

ಅರ್ಜಿದಾರರ ಆಧಾರ್ ಕಾರ್ಡ್
ಜಾತಿ ಪ್ರಮಾಣ ಪತ್ರ
ಆದಾಯ ಪ್ರಮಾಣ ಪತ್ರ
ಪಡಿತರ ಚೀಟಿ
ಬ್ಯಾಂಕ್ ಪಾಸ್ ಪುಸ್ತಕ
2 ಪಾಸ್ ಪೋರ್ಟ್ ಅಳತೆಯ ಫೋಟೋ
ಚಾಲ್ತಿಯಲ್ಲಿರುವ ಮೊಬೈಲ್ ನಂಬರ್
ಜಮೀನಿನ ಪಹಣಿ
ರೈತರ ದೃಢೀಕರಣ ಪತ್ರ
ಜಮೀನಿನ ನಕ್ಷೆ

ಅರ್ಜಿ ಸಲ್ಲಿಸುವುದು ಹೇಗೆ?

Arecanut Plantation ಮಾಡಲು ರೈತರಲ್ಲಿ ಇರಬೇಕಾದ ಪ್ರಮುಖ ಅರ್ಹತೆಗಳು ಹಾಗೆ ಅರ್ಹ ಫಲಾನುಭವಿಗಳು ಈ ಯೋಜನೆಯ ಲಾಭವನ್ನು ಪಡೆದುಕೊಳ್ಳಬೇಕಾದರೆ ಆಫ್ಲೈನ್ ಮೂಲಕ ಅರ್ಜಿ ಸಲ್ಲಿಸಬೇಕಾಗುತ್ತದೆ.

ಆಫ್ಲೈನ್ ಮೂಲಕ ಅರ್ಜಿ ಸಲ್ಲಿಸುವ ವಿಧಾನ ಹೀಗಿದೆ :

ನಿಮ್ಮ ಹತ್ತಿರದ “ಹಿರಿಯ ತೋಟಗಾರಿಕಾ ಸಹಾಯಕ ನಿರ್ದೇಶಕ ಕಚೇರಿ”ಗೆ ಭೇಟಿ ನೀಡಿ.
ಕಚೇರಿಯಲ್ಲಿ ಈ ಯೋಜನೆಗೆ ಸಂಬಂಧಿಸಿದ ಅರ್ಜಿ ಯನ್ನು ಪಡೆದುಕೊಳ್ಳಿ.
ನಂತರ ಅಲ್ಲಿ ಕೇಳಿರುವ ಎಲ್ಲ ಮಾಹಿತಿಗಳನ್ನು ಭರ್ತಿ ಮಾಡಿ.
ಅಗತ್ಯ ದಾಖಲೆಗಳೊಂದಿಗೆ ಅರ್ಜಿ ಪ್ರತಿಯನ್ನು ಕಚೇರಿಗೆ ಸಲ್ಲಿಸಿ.

ಇಲ್ಲಿ ಕ್ಲಿಕ್ ಮಾಡಿ

ಕೊನೆಯ ನುಡಿ:

ರಾಷ್ಟೀಯ ತೋಟಗಾರಿಕಾ ಮಿಷನ್ ಯೋಜನೆಯು ಕೇಂದ್ರ ಸರ್ಕಾರದ 60% ಹಾಗೂ ರಾಜ್ಯ ಸರ್ಕಾರದ 40% ಸಹಭಾಗಿತ್ವವನ್ನು ಹೊಂದಿರುವ ಯೋಜನೆಯಾಗಿದ್ದು, ಹೊಸದಾಗಿ ಅಡಿಕೆ ತೋಟಗಾರಿಕೆಯನ್ನು ಪ್ರಾರಂಭಿಸಲು ಇಚ್ಛಿಸುವ ರೈತರು ಈ ಯೋಜನೆಯಡಿಯಲ್ಲಿ ಲಾಭವನ್ನು ಪಡೆದುಕೊಳ್ಳಬಹುದಾಗಿದೆ.

Govt Schemes

Arecanut Plantation: ಹೊಸ ಅಡಿಕೆ ತೋಟಕ್ಕೆ ಬಾರಿ ಮೊತ್ತದ ಸಬ್ಸಿಡಿ!